Kolorektal Xərçəng: Erkən Diaqnoz Həyatınızı Xilas Edə bilər

Kolorektal Xərçəng: Erkən Diaqnoz Həyatınızı Xilas Edə bilər

Mart – Kolorektal Xərçənglə Mübarizə və Maarifləndirmə Ayıdır.

Kolorektal xərçəng dünyada ən çox rast gəlinən ilk 3 xərçəng növündən biridir. 50 yaşdan sonra rastgəlmə tezliyi artır. Erkən mərhələdə aşkar edildikdə müalicənin uğur faizi yüksəkdir. Kolonoskopiya müayinəsi kolorektal xərçəngdən ölüm riskinin azalmasına kömək edir.

Kimlər Müayinə Olunmalıdır?

• Orta risk qrupuna daxil olan şəxslər 45 yaşdan etibarən kolorektal xərçəng üzrə skrininqdən keçməlidirlər.
• Ailəsində kolorektal xərçəng olan şəxslər daha erkən yaşda müayinəyə başlamalı və skrininq intervalını həkimlə müəyyənləşdirməlidirlər.

Vacib Məlumat

• Poliplər xərçəng deyil, lakin bəzi poliplər zamanla xərçəngə çevrilə bilər.
• Kolorektal xərçəng erkən mərhələdə heç bir əlamət verməyə bilər.

Müntəzəm kolonoskopiya və digər uyğun skrininq müayinələri vasitəsilə kolorektal xərçəngi erkən aşkar etmək və bəzi hallarda xərçəngə çevrilməzdən əvvəl polipləri aradan qaldırmaq mümkündür. Məhz buna görə, 45 yaşdan etibarən mütəmadi skrininqdən keçmək və fərdi risk faktorlarına uyğun müayinə planını həkimlə müəyyənləşdirmək tövsiyə olunur.